Taubatan Nasuha, Margi Wangsul Dumateng Allah SWT

KHUTBAH PERTAMA

السلام عليكم ورحمة الله وبركاته

اَلْحَمْدُ لِلَّهِ، اَلْحَمْدُ لِلَّهِ رَبِّ الْعَالَمِينَ، نَحْمَدُهُ وَنَسْتَعِينُهُ وَنَسْتَغْفِرُهُ، وَنَعُوذُ بِاللَّهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللَّهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَنْ لَا إِلٰهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ، اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ.

أَمَّا بَعْدُ، فَيَا عِبَادَ اللَّهِ، أُوصِيكُمْ وَنَفْسِي بِتَقْوَى اللَّهِ، فَقَدْ فَازَ الْمُتَّقُونَ.

Ma'asyiral Muslimin rahimakumullah.

Sumangga kita sedaya tansah ningkataken iman lan takwa dhumateng Allah Subhanahu wa Ta'ala kanthi nglakoni sedaya dhawuhipun lan nebihi sedaya laranganipun. Mugi-mugi kita kalebet golongan tiyang ingkang tansah pinaringan istiqamah ngantos pungkasaning gesang.

Sidang Jamaah Jumat ingkang minulyo

Manungsa punika papanipun lepat lan dosa. Ora wonten satunggal kemawon ingkang saged ngaku suci. Kadhangkala mripat kita nyawang perkawis ingkang boten dipun ridhai Allah. Lathi kita ngendika ingkang nglarani manah tiyang sanes. Manah kita kebak iri, dengki, riya' utawi takabur. Nanging Allah SWT mbikak lawang pangapunten ingkang jembar sanget, yaiku lumantar taubat.

Allah Ta'ala ngandika:

﴿يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا﴾

Tegesipun: "He para tiyang ingkang sami iman, padha taubata marang Allah kanthi taubat ingkang saestu."

Sidang jamaah jum'ah rahimakumullah

Taubat ingkang dipun kersakaken Allah boten namung ngucap astaghfirullah kanthi lathi. Nanging kedah dipun sertai kanthi getun ing manah, nilar dosa, lan mantep manah boten badhe mbaleni malih.

Para ulama nerangaken bilih taubat niku gadhah syarat sekawan. Sepisan, nilar maksiat ingkang dipun lampahi. Kaping kalih, getun kanthi saestu. Kaping tiga, mantep manah boten badhe mbaleni. Kaping sekawan, menawi gegayutan kaliyan hakipun tiyang sanes, kedah dipun wangsulaken utawi nyuwun pangapunten.

Jamaah ingkang ingkang minulyo

Rasulullah ﷺ ngendika:

كُلُّ ابْنِ آدَمَ خَطَّاءٌ، وَخَيْرُ الْخَطَّائِينَ التَّوَّابُونَ

Tegesipun: "Saben anak Adam mesthi kathah kalepatan. Lan tiyang ingkang paling sae antawisipun wong-wong ingkang lepat yaiku wong ingkang kathah taubat."

Hadits punika maringi pangajeng-ajeng dhumateng kita sedaya. Allah boten ningali sepinten kathah dosa kita, nanging Allah remen dhateng kawula ingkang gelem wangsul lan nyuwun pangapunten.

Jamaah Jumat rahimakumullah

Kadhangkala setan mbisiki manungsa: "Mengko wae taubat yen wis sepuh." Nanging sinten ingkang saged njamin bilih kita badhe dumugi yuswa sepuh? Kathah tiyang enom ingkang dipun pundhut dening Allah rumiyin. Awit saking punika, taubat boten saged dipun tundha.

Allah Ta'ala ngandika:

﴿قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا﴾

Tegesipun: "Ngendikana: He para kawula-Ku ingkang kathah dosa, aja padha putus asa saking rahmat Allah. Satemene Allah ngapunteni sedaya dosa."

Ayat punika maringi piwulang bilih rahmatipun Allah langkung ageng tinimbang dosa-dosa kita.

Mila, sumangga wiwit dinten menika kita ngiyataken istighfar, ngreksa shalat lima waktu, remen maos Al-Qur'an, remen sedekah, ngajeni tiyang sepuh, nyambung silaturahmi, lan nebihi maksiat.

Mugi Allah paring kekiyatan dhumateng kita sedaya supados tansah pinaringan taubat nasuha, dipun ampuni sedaya dosa kita, lan dipun paringi pungkasan gesang kanthi husnul khatimah.

أَقُولُ قَوْلِي هٰذَا، وَأَسْتَغْفِرُ اللَّهَ الْعَظِيمَ لِي وَلَكُمْ، فَاسْتَغْفِرُوهُ، إِنَّهُ هُوَ الْغَفُورُ الرَّحِيمُ.

KHUTBAH KEDUA

اَلْحَمْدُ لِلَّهِ رَبِّ الْعَالَمِينَ، وَأَشْهَدُ أَنْ لَا إِلٰهَ إِلَّا اللَّهُ وَحْدَهُ لَا شَرِيكَ لَهُ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُولُهُ، اَللَّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِينَ.

أَمَّا بَعْدُ، فَيَا عِبَادَ اللَّهِ، أُوصِيكُمْ وَنَفْسِي بِتَقْوَى اللَّهِ.

اَللَّهُمَّ اغْفِرْ لِلْمُؤْمِنِينَ وَالْمُؤْمِنَاتِ، وَالْمُسْلِمِينَ وَالْمُسْلِمَاتِ، الْأَحْيَاءِ مِنْهُمْ وَالْأَمْوَATِ، إِنَّكَ سَمِيعٌ قَرِيبٌ مُجِيبُ الدَّعَوَاتِ.

اَللَّهُمَّ تُبْ عَلَيْنَا تَوْبَةً نَصُوحًا، وَاغْفِرْ لَنَا ذُنُوبَنَا، وَاسْتُرْ عُيُوبَنَا، وَأَصْلِحْ قُلُوبَنَا، وَاجْعَلْ خَيْرَ أَعْمَالِنَا خَوَاتِيمَهَا، وَخَيْرَ أَيَّامِنَا يَوْمَ نَلْقَاكَ.

رَبَّنَا آتِنَا فِي الدُّنْيَا حَسَنَةً، وَفِي الْآخِرَةِ حَسَنَةً، وَقِنَا عَذَابَ النَّارِ.

إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ ۚ يَعِظُكُمْ لَعَلَّكُمْ تَثَكَّرُونَ.

فَاذْكُرُوا اللَّهَ الْعَظِيمَ يَذْكُرْكُمْ، وَاشْكُرُوهُ عَلَى نِعَمِهِ يَزِدْكُمْ، وَلَذِكْرُ اللَّهِ أَكْبَرُ، وَاللَّهُ يَعْلَمُ مَا تَصْنَعُونَ.

Untuk mengunduh naskah khutbah versi cetak (PDF), silakan klik tautan di bawah ini:

📥 Unduh Naskah Khutbah PDF Klik Disini